මිල වැඩි බව නොදැනෙන්න මිල කියන්න Psychological Pricing ක්‍රම (ලිපිය - 01)

යමක් අලෙවි කිරීමේදී, පාරිබෝගිකයා සිතන ආකාරය හදුනා ගනිමින්, පහසුවෙන් හා වේගයෙන් යමක් අලෙවි කරන්නේ කොහොමද කියන දේ ගැන Psychological Selling පාඩම් මාලාව හරහා අපි ඔබව දැනුවත් කලා. ඒ වගේම එම පාඩම් මාලාව තුල ඇතුලත් නොවූ, තව දුරටත් වේගයෙන් හා පහසුවෙන් විකිණීම වෙනුවෙන් වැදගත් වෙන කරුණු අපි මේ ලිපි මාලාවෙන් ඉදිරිපත් කිරීමට බලාපොරොත්තු වෙනවා.

එහි පලමු පාඩම විදිහට අද අපි ඔබට Psychological Pricing ගැන මේ ලිපියෙන් කියලා දෙන්න බලාපොරොත්තු වෙනවා.

Psychological Pricing කියන්නේ මොකක්ද?

අපි හැමෝම දන්න විදිහට, මිල කියන්නේ ගණුදෙනුවක් තුල තියෙන ඉතාම වැදගත් සාධකයක්. මොකද මේ මිල දිහා බලලා, මිනිස්සු තමන් අදාල භාන්ඩය හෝ සේවාව මිලදී ගන්නවාද යන්න ගැන, ඍජු තීරණ ගැනීම් සිදු කරනවා.

ඒ නිසා විකුණුම්කරුවෙක් විදිහට, පාරිබෝගිකයාට මිලදී ගැනීම වෙනුවෙන් උත්තේජණයක් ලැබෙන විදිහට මිල ඉදිරිපත් කිරීමට දැනගෙන සිටීම, යමක් ලේසියෙන් හා පහසුවෙන් විකිණීම වෙනුවෙන් ඉතාමත් වැදගත් වෙනවා. Psychological Pricing කියන්නේ මෙන්න මේ විදිහට මිල ඉදිරිපත් කිරීමේදී පාරිබෝගිකයාට මිලදී ගැනීම සිදු කිරීම වෙනුවෙන් උත්තේජණයක් ලැබෙන ආකාරයෙන්, විශේෂයෙන්ම අපිට විකුණන්නට අවශ්‍ය දේ මිලදී ගැනීම වෙනුවෙන් උත්තේජණයක් ලැබෙන ආකාරයෙන් මිල ඉදිරිපත් කිරීමේ කලාවට.

Psychological Pricing ගැන කතා කරනකොට, ඒ වෙනුවෙන් අපිට භාවිතා කල හැකි ක්‍රම රාශියක් තියෙනවා, අද ලිපියෙන් ඒ ක්‍රම අතිරින් ක්‍රම 7ක් ඔබට මේ ලිපියෙන් අපි කියලා දෙනවා. ඒ වගේම ඉතුරු ක්‍රම මීලග ලිපි වලින් ඔබට ඉගෙන ගන්න පුළුවන්.

Decoy Pricing ක්‍රමය

මෙහිදී සිදුවෙන්නේ, තෝරා ගැනීම් තුනක් ඉදිරිපත් කර, එහි මැද පවතින තෝරා ගැනීම වඩාත් වාසිදායක බව දැනෙන්නට ඉඩ හැරීම හරහා තමන්ට අවශ්‍ය දේ අලෙවි කිරීම.

උදාහරණයක් ලෙස අපි හිතමු කේක් වර්ග තුනක් ගැන.

• පලවෙනි කේක් එක සාමාන්‍ය බටර් කේක් එකක්, ප්‍රමාණය කිලෝ 1යි. මිල රු 500

• දෙවැනි කේක් එක අලංකාර ලෙස හැඩ ගැන්වූ අයිසින් කේක් එකක්, ප්‍රමාණය කිලෝ 1යි. මිල රු 600යි

• තුන් වැනි කේක් එක අයිසින් කේක් එක උඩින් චෙරි ගෙඩියක් තබා හැඩ ගැන්වූ එකක්. ප්‍රමාණය කිලෝ 1යි, මිල රු 800

මේ අවස්ථා තුන ඔබට මිලදී ගැනීම වෙනුවෙන් ලැබුනොත් ඔබ, මිලදී ගැනීමට වඩාත් ප්‍රිය වෙන්නේ මොකක්ද යන්න ගැන සිතන්න. සාමාන්‍ය බටර් කේක් එක හෝ චෙරි ගෙඩිය සහිත එක තෝරා ගැනීම වෙනුවෙන් විශේෂ හේතුවක් නැත්නම්, බොහෝ විට ඔබ තෝරා ගන්නේ දෙවැනි එක. එහෙමත් නැත්නම් මැද තිබෙන අවස්ථාව.

ඇයි ඒ? හේතුව තමයි, නිකන්ම නිකන් බටර් කේක් එකක් 500ට ගන්නවාට වඩා, ඉතා අලංකාර ලෙස නිමවූ අයිසින් කේක් එකක් 600ට ගැනීම ලාභයි යන හැගීම අපිට දැනෙනවා. ඒ වගේම, චෙරි ගෙඩියක් වෙනුවෙන් අමතරව රු 200ක් ගෙවීම වැඩක් නැති බව අපිට දැනෙනවා.

ඒ නිසා බහුතරයක් දෙනා, නිරායාසයෙන් තෝරා ගන්නා දෙය බවට පත් වෙන්නේ මැද පවතින තෝරා ගැනීම. විකිණීමේදී ඔබ කරන්න ඕනේ දේ වෙන්නේ, ඔබට විකුණන්නට අවශ්‍ය දේ මැද තෝරා ගැනීමේ අවස්ථාව කරලා, දෙපස තිබෙන අවස්ථාවන් හරහා ඔබට අවශ්‍ය දෙය මිලදී ගැනීම වෙනුවෙන් පාරිබෝගික මානසිකත්වය පෙලබවීම. එහිදී ඔබට පුලුවන් වෙනවා ඔබට අවශ්‍ය දේ වැඩියෙන් මිලදී ගන්න තත්වයක් ඇති කරන්න.

විශේෂයෙන්ම Restaurants වල වගේ Small, Regular, Large ලෙස තෝරා ගැනීම් තුනක් ඉදිරිපත් කරන්නේ, බොහෝ විට මේ වෙනුවෙන්. (ඒ වගේම විකුණුම් තුල ලාභය වැඩි කර ගැනීම වෙනුවෙනුත් මේ ක්‍රමය භාවිතා කරන්න පුලුවන්, එය ඉදිරි ලිපියකින් අපි ඔබට ඉදිරිපත් කරනවා)

First Digit ක්‍රමය

මෙහි අදහස වෙන්නේ, සම්පූර්ණ රවුම් ගනනක් ඉදිරිපත් කිරීම වෙනුවට අවසාන ඉලක්කම් තුල ඉතාම සුලු අගයක් අඩු කර ඒ හරහා පලමු ඉලක්කම අඩු වෙන ආකාරයෙන් මිල ඉදිරිපත් කිරීම කියන එක.

උදාහරණයක් විදිහට, රු.2000ක් ලෙස ඉදිරිපත් කරනවාට වඩා, රු.1990ක් ලෙස මිල ඉදිරිපත් කිරීම පාරිබෝගිකයාට මිල අඩු බවට හැගීමක් ඇති කරනවා. එකම භාන්ඩය රු.2000 සහ රු.1990 ලෙස සටහන් කර වෙලද සැල් දෙකක් තිබෙනවා ඔබ දුටුවොත්, ඔබ මිලදී ගැනීමට වැඩියෙන් රුචි වෙන්නේ කුමක්ද?

Bottom Right Positioning

මෙම ක්‍රමය බොහෝ වෙලාවට යොදා ගැනීම කරන්න පුළුවන් වෙන්නේ, ලිඛිත මිල ඉදිරිපත් කිරීමේදී.

මෙහිදී සිදුවන්නේ, මිල සටහන් කිරීමේදී පහල දකුණු කෙලවරේ මිල සටහන් කිරීමක් සිදු කිරීම හා අනෙක් කොටස් වල, එහි ගුණාත්මක බව හා වටිනාකමට අදාල තොරතුරු සටහන් කිරීම කියන එක.

මේ විදිහට කරන්න හේතුව තමයි, සාමාන්‍යයෙන් බොහෝ දෙනෙක් කියවන්නේ, උඩ සිට පහලට, ඒ වගේම වමේ සිට දකුණට, එහිදී කෙනෙක්. තමන්ගේ ගිවිසුමක හෝ වෙනත් පත්‍රිකාවක මිල පහල දකුණු කෙලවරේ සටහන් කලොත්, පාරිබෝගිකයාට එහ හසු වෙන්නේ, බොහෝ වෙලාවට අනෙකුත් සියලු දේ කියෙව්වාට පසුව.

ඒ නිසා, එහිදී පාරිබෝගිකයාට මිල පෙනෙන්නේ වටිනාකම වගේ දේවල් වලට සාපේක්ෂ දෙයක් විදිහට. එහිදී ඒවා නොදැන මිල හදුනා ගන්නවාට වඩා වෙනස් ආකාරයෙන් (විකුණුම්කරුට වාසි දායක ආකාරයෙන්) පාරිබෝගික මනස හැඩගැස්වෙන්න වැඩි ඉඩකඩක් තිබෙනවා.

ඒ වගේම මෙහිදී මිල කුඩා ඉලක්කම් වලින් සටහන් කිරීමත් සිදු කිරීම සිදු වෙනවා. මේ හරහා, මිලට වඩා අනෙකුත් දේවල් වලට වැඩි අවදානයක් හා වටිනාකමක් ලබා දීම සිදු කරන්න පුළුවන්.

Break Down Cost ක්‍රමය

මෙහි අදහස වෙන්නේ, සම්පූර්ණ අගය කොටස් කර කුඩා කර පෙන්වීමක්. උදාහරණයක් විදිහට බැලුවොත්, රක්ෂණ ගිවිසුමකට අදාලව මාසිකව රු.5000ක් ගෙවීම යන මිල, දවසකට රු. 167ක් ලෙස ඉදිරිපත් කලොත් එය දරන්නට අමාරු දෙයක් ලෙස දැනෙන්නේ නෑ.

ඒ වගේම මෙහි Break Down Cost එකට වටිනාකමින් අඩු දේ ආදේශණය කර පෙන්වීමත් ඔබට අවශ්‍ය දේ මිලදී ගැනීම වෙනුවෙන් පෙලබවීමක් ලෙස භාවිතා කරන්න පුළුවන්.

උදා:

රු.5000 වෙනුවට රු 167 ( දවසකට දුම්වැටියක් බොන මිල)

රු.5000 වෙනුවට රු 167 ( කිරි පැකට් දෙකක මිල )

රු.5000 වෙනුවට රු 167 ( බීම බෝතලයක් බොන්නත් ඊට වඩා යනවා )

මේ ක්‍රම තුන, ඔබ භාන්ඩයක් අලෙවි කලත්, සේවාවක් අලෙවි කලත් ගැටලුවකින් තොරව භාවිතා කරන්න පුලුවන්. මෙවැනි තවත් විශේෂ ක්‍රම කීපයක් මීලග ලිපියෙන් අපි ඉගෙන ගනිමු.

---

පහසුවෙන් අලෙවි කිරීම වෙනුවෙන්, ගැලපෙන Leads සොයා ගැනීමේ ඉදලා, Sale එක Close කරන තැන දක්වා, වැදගත් වෙන මූලිඛ මනෝවිද්‍යාත්වම විකුණුම් උපක්‍රම රැසක් ගැන අපි Psychological Selling වැඩසටහනේදී පැය 05ක් පුරාවට පාඩම් 11ක් හරහා කතා කලා, තාමත් එය ආවරණය කරගත්තේ නැත්නම්, එහි පටිගත කල වීඩියෝ හරහා දැන් ඔබට එය ආවරණය කර ගන්න පුලුවන්.

වැඩි විස්තර සහ පටිගත කල වීඩියෝව ලබා ගැනීම වෙනුවෙන් P24 ලෙස සදහන් කල පණිවිඩයක් 0769705622 අංකයට WhatsApp හරහා යොමු කරන්න